भुसावळ शासकीय धान्य गोडाऊन 'तुळशी...राम' भरोसे! अर्ज स्वीकारण्यास टाळाटाळ; संशयाच्या भोवऱ्यात 'तो' वरदहस्त कोण?

भुसावळ शासकीय धान्य गोडाऊन 'तुळशी...राम' भरोसे! अर्ज स्वीकारण्यास टाळाटाळ; संशयाच्या भोवऱ्यात 'तो' वरदहस्त कोण?

​भुसावळ | प्रतिनिधी
शासकीय कार्यालयांमध्ये पारदर्शकता आणि गतिमान प्रशासनाचा मोठा गाजावाजा करणाऱ्या भुसावळ प्रशासनाच्या दाव्यांचे पार धिंडवडे निघाले आहेत. भुसावळ येथील शासकीय धान्य गोडाऊनमध्ये माहिती आणि हक्काचे प्रश्न विचारण्यासाठी गेलेल्या एका सजग नागरिकाला शासकीय बाबूंच्या टाळाटाळीचा धक्कादायक अनुभव आल्याचा खळबखळजनक प्रकार समोर आला आहे.

​या संपूर्ण प्रकारामुळे "भुसावळचे शासकीय धान्य गोडाऊन नक्की कुणाच्या इशाऱ्यावर चालते?" असा गंभीर प्रश्न आता उपस्थित झाला असून, संपूर्ण गोडाऊन प्रशासन संशयाच्या भोवऱ्यात सापडले आहे.
​🔴 नेमकं काय घडलं? 'ऑन स्पॉट' अर्जावरून उडाली तारांबळ!
​मिळालेल्या माहितीनुसार, गुरुवारी दुपारी ठीक ३.२१ वाजता भुसावळ येथील नागरिक प्रमोद जगन्नाथ पाटील हे गोडाऊनमधील पारदर्शकता, कर्मचाऱ्यांची अधिकृतता आणि कारभाराबाबत माहिती मागण्यासाठी गेले होते. त्यांनी "ऑन स्पॉट विचारण्यात येणाऱ्या लेखी प्रश्नांचा नमुना अर्ज" तेथे सादर करण्याचा प्रयत्न केला.
​गोडाऊनमध्ये उपस्थित असलेल्या 'तुळशीराम' नावाच्या व्यक्तीकडे हा अर्ज सोपवण्यात आला. प्रमोद पाटील यांनी गोडाऊन प्रभारी अधिकाऱ्यांविषयी विचारणा केली असता, अधिकारी आतमध्येच असल्याचे सांगण्यात आले. मात्र, अर्ज हातामध्ये पडताच गोडाऊनमधील यंत्रणेची चांगलीच तारांबळ उडाली. संबंधित व्यक्तीने थेट 'पुष्कर पाटील' यांना फोन करून तहसील कार्यालयातून गोडाऊनमध्ये तातडीने बोलावून घेतले.
​⏱️ तासन्तास खोळंबा, शेवटी 'टपालाचे' कारण दाखवून पळवाट!
​लेखी अर्ज पाहून गोडाऊन प्रशासनाचे धाबे दणाणले. बराच वेळ नागरिकाला ताटकळत ठेवल्यानंतर घटनास्थळी दाखल झालेल्या पुष्कर पाटील यांनी अर्ज स्वीकारण्यास स्पष्ट नकार दिला.
​"हा अर्ज इथे स्वीकारला जाणार नाही, तो टपालाने पाठवा," असे उद्दामपणाचे उत्तर देत त्यांनी नागरिकाला माघारी धाडण्याचा प्रयत्न केला.

​जर शासकीय कार्यालयात प्रत्यक्ष जाऊन दिलेला अर्ज स्वीकारला जात नसेल, तर मग 'गोडाऊनमध्ये नक्की काय दडवण्याचा प्रयत्न सुरू आहे?' असा सवाल आता सामान्य नागरिकांमधून उपस्थित केला जात आहे.
​📞 'पोलीसराज मीडिया'चा संपर्क; पुरवठा अधिकारी मॅडमकडून फोन घेण्यास टाळाटाळ!
​या संपूर्ण प्रकरणाची भीषणता आणि सत्यता जाणून घेण्यासाठी 'पोलीसराज मीडिया' च्या प्रतिनिधींनी पुरवठा अधिकारी रेवतकर  मॅडम यांच्याशी त्यांच्या भ्रमणध्वनीवर दोन वेळा संपर्क साधण्याचा प्रयत्न केला. मात्र, अधिकाऱ्यांनी फोन उचलण्याचे टाळले.
​जबाबदार पदावर असलेल्या पुरवठा अधिकारी मॅडम यांनी दोन-दोनदा फोन न उचलल्यामुळे "प्रशासनाला नक्की कोणाचे अभय आहे आणि अधिकारी या प्रकरणापासून पळ का काढत आहेत?" असा संशय आता अधिक बळावला आहे.
​🔍 अर्जातील 'ते' ५ प्रश्न; ज्यामुळे प्रशासनाचे धाबे दणाणले:
​प्रमोद पाटील यांनी दिलेल्या अर्जात गोडाऊनच्या काळवंडलेल्या कारभारावर बोट ठेवणारे अतिशय संवेदनशील प्रश्न विचारण्यात आले आहेत, जे खालीलप्रमाणे:
• ​कर्मचाऱ्यांची अधिकृतता: गोडाऊनमध्ये कार्यरत असलेल्या कर्मचाऱ्यांची अधिकृतता काय?
• ​स्वाक्षरीचे अधिकार: शासकीय नोंदी आणि स्वाक्षरीचे अधिकार नक्की कुणाला आहेत?
• ​सरकारी शिक्के: सरकारी शिक्क्यांचा वापर अधिकृत व्यक्तीच करते का?
• ​CCTV यंत्रणा: गोडाऊनमधील सीसीटीव्ही (CCTV) यंत्रणा पूर्ववत सुरू आहे की मुद्दाम बंद ठेवली आहे?
• ​गुणवत्ता व वजन: वजन काटा आणि धान्याच्या गुणवत्तेची तपासणी नियमित होते का?
​❓ 'तुळशीराम' नावाचा तो रहस्यमयी 'सज्जन' नक्की कोण?
​या संपूर्ण प्रकरणात 'तुळशीराम' नावाच्या व्यक्तीभोवती संशयाची सुई फिरत आहे.
• ​अनधिकृत कारभार? तुळशीराम ही व्यक्ती नेमकी शासकीय कर्मचारी आहे का? नसेल, तर कुठल्या आदेशान्वये ते पुरवठा विभागाच्या गोडाऊनची महत्त्वाची जबाबदारी सांभाळत आहेत?
• ​वरदहस्त कुणाचा? यापूर्वी पुरवठा विभागाच्या अनेक पंचनाम्यांमध्येही या व्यक्तीचा सक्रीय सहभाग असल्याची चर्चा परिसरात आहे. त्यामुळे तहसीलदार किंवा पुरवठा विभागातील 'तो' वरदहस्त अधिकारी कोण, ज्याच्या छत्रछायेखाली हा अनधिकृत कारभार बिनदिक्कतपणे सुरू आहे? असा मोठा सवाल उपस्थित होत आहे.
​⚠️ नागरिकांचा संतप्त सवाल: तक्रार करायची कुठे?
​"आम्ही लोकशाहीत जगतो की हुकूमशाहीत? शासकीय कार्यालयात प्रत्यक्ष जाऊन दिलेला लेखी अर्ज जर अधिकारी स्वीकारणार नसतील, तर सामान्य जनतेने आपल्या तक्रारी आणि प्रश्न घेऊन जायचे कुठे? आमच्या हक्काच्या प्रश्नांना उत्तर द्यायला प्रशासनाला एवढी कसली भीती वाटते आहे?"मी पोलीसराज मिडियाशी संपर्क साधुन संपूर्ण आपभीती सांगीतली तसेच आम्हाला मिडियाच्या माध्यमातून न्याय मिळावा अशी विनंती केली आहे.

 प्रमोद जगन्नाथ पाटील (तक्रारदार नागरिक)

​📢 ...तर तीव्र आंदोलनाचा इशारा!
​या गंभीर प्रकरणामुळे भुसावळच्या पुरवठा विभागातील आणि शासकीय धान्य गोडाऊनमधील कथित गैरव्यवहार आणि अंधाधुंद कारभार चव्हाट्यावर आला आहे. आता या प्रकरणात तहसीलदार, प्रांत अधिकारी आणि जिल्हा पुरवठा अधिकारी (DSO) कोणती कडक भूमिका घेतात? अर्ज नाकारणाऱ्या आणि अनधिकृतपणे कारभार चालवणाऱ्यांवर काय कारवाई होते? याकडे संपूर्ण भुसावळ तालुक्याचे लक्ष लागले आहे. दोषींवर तात्काळ कारवाई न झाल्यास नागरिकांकडून तीव्र आंदोलनाचा इशारा दिला जात आहे.