मुसळी फाट्याजवळ कपाशी व्यापाऱ्याची गाडी आडवून दीड कोटींची रक्कमेची लुट; दरोडेखोर पसार
जळगांव पोलीसराज मिडिया
दि.१७ फेब्रुवारी २०२४
धरणगाव तालुक्यातील मुसळी फाट्याजवळ कपाशी व्यापाराची गाडी आडवून व्यापाऱ्याजवळील दीड कोटींची रक्कम घेवून अज्ञात तीनजण पसार झाल्याची घटना शनिवारी १७ फेब्रुवारी रोजी दुपारी १ वाजेच्या सुमारास घडली आहे. या घटनेमुळे जिल्ह्यात खळबळ उडाली आहे. याबाबत धरणगाव पोलीस ठाण्यात गुन्हा दाखल करण्याचे काम सुरू आहे.
विश्वसनिय सुत्रांकडून मिळालेली माहिती अशी की, धरणगाव तालुक्यातील पिंप्री येथील व्यापारी हे दुर्गेश इम्पेक्स जिनिंगचे पेमेंट जळगावहून पिंप्रीला जाण्यासाठी शनिवारी १७ फेब्रुवारी रोजी कारमधून नेले जात होते. दुपारी १ वाजेच्या सुमारास मुसळी फाट्याजवळील निलॉन्स कंपनी समोरील उड्डाण पुलाच्या खाली व्यापाऱ्याची गाडी येताच बोलेरो कारमधून आलेल्या अज्ञात तिघांनी व्यापाऱ्याची गाडी आडविली. व्यापाऱ्याची गाडी अडवून गाडीतून काही मिनीटात दीड कोटीचे पेमेंट असलेली पिशवी घेवून लूट करत तिन्ही दरोडेखोर जळगावच्या दिशेने पसार झाले. या घटनेची माहिती मिळाल्यानंतर धरणगाव पोलीस ठाण्याचे पोलीस कर्मचारी आणि स्थानिक गुन्हे शाखेचे पथक घटनास्थळी दाखल झाले. दरम्यान बोलेरो कारमधून आलेल्या चोरट्यांनी कार सोडून पसार झाल्याचे वृत्त समोर येत आहे. या घटनेमुळे जळगाव जिल्ह्यात मोठी खळबळ उडाली आहे. शेवटचे वृत्त हाती आले तेव्हा धरणगाव पोलीस ठाण्यात गुन्हा दाखल करण्याचे काम सुरू होते.
