जामनेर: संत निरंकारी मिशनतर्फे 'प्रोजेक्ट अमृत' अंतर्गत जलकुंभ परिसराची स्वच्छता; 'स्वच्छ जल, स्वच्छ मन'चा नारा

बातमी: पोलीसराज मीडिया विशेष

​जामनेर: संत निरंकारी मिशनतर्फे 'प्रोजेक्ट अमृत' अंतर्गत जलकुंभ परिसराची स्वच्छता; 'स्वच्छ जल, स्वच्छ मन'चा नारा

​जामनेर (प्रतिनिधी): पोलीसराज मिडिया

संत निरंकारी मंडल, दिल्ली केंद्राच्या आदेशानुसार आणि सद्गुरू माता सुदिक्षाजी महाराज यांच्या असीम कृपेने संपूर्ण देशभरात 'स्वच्छ जल, स्वच्छ मन' हे अभियान राबवले जात आहे. याच अभियानाचा एक भाग म्हणून, जामनेर येथील सोनबर्डी जलकुंभ (पाणीपुरवठा विभाग) परिसरात भव्य स्वच्छता मोहीम यशस्वीपणे राबवण्यात आली.

​सेवाभावातून स्वच्छतेचा संदेश

प्रादेशिक संचालक आदरणीय सुशीलजी दारा यांच्या मार्गदर्शनाखाली, जामनेर ब्रांच सेवादल युनिट - १३५९ च्या वतीने रविवार, दि. २२ फेब्रुवारी २०२६ रोजी या उपक्रमाचे आयोजन करण्यात आले होते. 'प्रोजेक्ट अमृत' अंतर्गत सेवादलाच्या सर्व सदस्यांनी एकत्र येऊन जामनेर शहराला पाणीपुरवठा करणाऱ्या मुख्य जलकुंभ परिसराची साफसफाई केली. "पाणी हेच जीवन आहे आणि ते स्वच्छ ठेवणे ही आपली जबाबदारी आहे," हा संदेश या मोहिमेतून देण्यात आला.

​मान्यवरांची उपस्थिती

हा कार्यक्रम यशस्वी करण्यासाठी सेवादल संचालक रतनसिंग परदेशी, प्रवीणजी शिंदे, देविदासजी पाटील, रवींद्र शिंदे, शंकर माळी, आबाजी पाटील यांच्यासह सेवादलाचे अनेक बंधू आणि भगिनी मोठ्या संख्येने उपस्थित होते. सर्वांच्या सामुदायिक प्रयत्नांमुळे जलकुंभ परिसर चकाचक झाला असून, स्थानिक नागरिकांनी निरंकारी मिशनच्या या कार्याचे भरभरून कौतुक केले आहे.

​निरंकारी मिशनतर्फे राबवल्या जाणाऱ्या अशा सामाजिक उपक्रमांमुळे शहरात स्वच्छतेबाबत एक नवी जाणीव निर्माण होत असल्याचे मत यावेळी मान्यवरांनी व्यक्त केले.