स्वगणनेसाठी चोपडा शहर एकवटले; व्यापाऱ्यांकडून नागरिकांना लस्सी, पेस्ट्री अन् वॉटर बॉटलची भेट!

स्वगणनेसाठी चोपडा शहर एकवटले; व्यापाऱ्यांकडून नागरिकांना लस्सी, पेस्ट्री अन् वॉटर बॉटलची भेट!

​चोपडा : प्रतिनिधी संदिप पाटील
भारत सरकारच्या जनगणना २०२७ अंतर्गत सध्या 'स्वगणना' (Self Enumeration) मोहीम राबविली जात आहे. या मोहिमेला चोपडा शहरातील व्यावसायिकांनी अनोखा पाठिंबा दिला असून, नागरिकांना प्रोत्साहित करण्यासाठी विविध आकर्षक भेटवस्तूंची बरसात केली जात आहे. व्यापाऱ्यांच्या या सामाजिक उपक्रमामुळे शहरात स्वगणना मोहिमेला प्रचंड उत्साह पाहायला मिळत आहे.

​व्यापाऱ्यांचा पुढाकार आणि सामाजिक दातृत्व
​नागरिकांनी स्वतःहून आपली माहिती नोंदवावी, यासाठी शहरातील नामांकित व्यावसायिकांनी खालीलप्रमाणे पुढाकार घेतला आहे:
• ​आनंद सुपर शॉपी (तिरंगा चौक): संचालक श्री. चेतन टाटिया यांनी स्वगणना पूर्ण करून 'Self Enumeration ID' दाखविणाऱ्या नागरिकांना मोफत वॉटर बॉटल देण्याचे जाहीर केले आहे.
• ​बापू डेअरी: संचालक श्री. बापू प्रभाकर महाजन यांच्यातर्फे स्वगणना पूर्ण करणाऱ्यांना २०० ग्रॅम थंडगार लस्सी मोफत दिली जात आहे. याचे वितरण लोहाना पेट्रोल पंपजवळील 'बापू Tea' येथे सुरू आहे.
• ​प्रिया बेकरी आणि सुपर शॉप (मेन रोड): संचालक श्री. मेहुल राजेंद्र जैन यांनी मोहिमेत सहभागी होणाऱ्या नागरिकांसाठी मोफत पेस्ट्रीची व्यवस्था केली आहे.
​प्रशासनाकडून कौतुक
​या उपक्रमाबाबत माहिती देताना जनगणना २०२७ चे चार्ज अधिकारी श्री. रामनिवास झंवर यांनी व्यापाऱ्यांच्या या कृतीचे विशेष कौतुक केले. ते म्हणाले की, "जनगणना हा देशाच्या भविष्यातील नियोजनाचा पाया आहे. चोपड्यातील व्यापाऱ्यांनी दाखवलेली ही सामाजिक बांधिलकी कौतुकास्पद असून यामुळे मोहिमेला मोठी गती मिळाली आहे. इतर संस्थांनीही यातून प्रेरणा घ्यावी."
​१५ मे पर्यंतच संधी
​स्वगणना करण्याची सुविधा १ मे ते १५ मे २०२६ या कालावधीत उपलब्ध करून देण्यात आली आहे. आता मोहिमेचे शेवटचे काही दिवस शिल्लक असून, जास्तीत जास्त नागरिकांनी आपली नोंदणी करून 'Self Enumeration ID' प्राप्त करावा आणि आपले राष्ट्रीय कर्तव्य पार पाडावे, असे आवाहन प्रशासनातर्फे करण्यात आले आहे.
​"स्वगणना ही केवळ शासकीय प्रक्रिया नसून देशाच्या प्रगतीसाठी नागरिकांचा थेट सहभाग आहे. चोपडाकरांनी या ऐतिहासिक मोहिमेत आघाडी घ्यावी."
— श्री. रामनिवास झंवर (चार्ज अधिकारी, जनगणना २०२७)